又好懶地成個月無 update 過

10月3日

好出奇地見到太陽 ^^

下年會係點呢？好多報導都話會差過97 同埋沙士 @@ 

9月7日

今日畫完畫極速收檔，趕住去赤柱接傻佬 (有人去左玩風帆 )

浪漫行沙灘，我又燒菲林喇。之後兩隻餓鬼去左麥記填肚 ^^

再悠閒坐低睇日落，再輕輕鬆鬆搭巴士返屋企食飯，relax  心情靚靚

9月6日

放工約左atat 同包包同埋包包個朋友仔一齊影相，單鏡真係好重 @_@ 同埋好難影，我都係疊埋心水買GX200

8月30日

中午時份，幾個女仔一齊陪阿蔓同佢老公去睇婚紗相

婚紗相對男孩子可能不是什麼一回事，但對於女孩子就好緊要，係女仔最靚身材仲好好 (未變肥師奶) 的時刻

最衰婚紗相公司裡面唔準影相，鋪到一枱都係的相，真係好想記低佢...

唔知我地幾個女仔黎緊邊個會影呢 :p

8月24日 - 隨影

8月22日

又打風，今次仲要係打9號風球，成日係屋企訓覺，落街d 鋪頭差唔多全部無開門，好悶 @@

8月20日

於homeless無聊影的

之前係公司，同事叫我打英文名同手提電話抽戲飛，其實我連名都唔係好記得 (好似叫咩 "80分鐘死亡直播")，點知齊齊抽到共8張 (應該無乜人抽，如果唔係邊有咁易中呀)

幾個同事連埋老婆男朋友一行八人齊齊去到又一城，9點10乖乖排隊入場

開戲頭15分鐘，都幾緊張刺激，但個畫面真係好搖

但睇到45分鐘都係d人不斷亂叫亂跑，頂~~~ 幾緊張都好嗌咁耐都覺悶啦

同埋中文翻譯，不斷見到 "搞乜春，做乜x 野" ??? 點解會咁粗魯架？

總結，成套戲有大半的時間我都發夢同無睇，真係悶悶地

8月16日

雪媚姐生日飯，今次食outback ^^ 第一次見包姐男友  飯後再去食甜蜜蜜，女仔始終都係鐘意食甜品 ^^

8月14日

其實我是非常喜歡雞蛋仔的，但現在的大多都不好吃，還吸引我的只有北角及加連威老道的兩檔

8月10日

我部手提失而復得，唔見左成晚都執得番，好彩有傻佬陪傻婆去執番咋

8月9日

傻佬又帶傻婆去玩，今玩傻婆依然唔知目的地係邊，但知係去沙灘，所以總算有點準備 (但我都係唔怕死地冇乜點搽防曬 :p)

去到彩虹會合後，知道今日去浪茄，傻婆好為食，要買西瓜同燒雞翼

我地首先搭小巴去到西頁，再搭巴士去到北潭x，再搭60蚊的士，之後再行多大約20-30分鐘

終於都到，沿途都幾靚幾舒服，是日陽光非常充沛，心情靚靚

8月8日

終於開左Holga黎玩，第一張相，1/3都走左光，但Holga吸引人之處就係好易走光同唔知會影成點

自從有左數碼相機之後，都無玩過菲林，而家玩返好有小學去旅行的感覺  我d 同事話我帶住部相機好似小雲喎

8月1日 - starbucks請你飲frappuccino

返學途中見到好多人手上都有支starbucks，本來以為超特價，點知原來有得派喎，當然乖乖排隊拎返支啦 ^^

7月31日 - 沉迷

事隔一星期，我又接多部Holga 120返屋企喇，中毒 @_@

7月26日 - 祝願星憶萬心

朝早8點幾9點去到觀塘運動場集合，開始一日的活動，首先幾個老友影影相先 ^^

我地由朝早一直做到幅畫完成，中間要不斷陪d 小朋友摺星星同砌星星，沒錯...是陪，小朋友們不斷呻攰呻悶 @_@

同埋我地呢d 姐姐們要好努力咁修補小朋友摺得唔好的星星，指頭快要麻痺了﹗

好開心最後呢幅畫都能夠打入健力士^^

7月25日

係淘大發現有間賣Holga的店店，忍唔住買左部價值$30的mini版，但呢部係入110菲林，呢種菲林又貴又冇乜地方肯沖曬 @_@